గత దశాబ్దకాలంగా తెలుగు సినిమా లో హీరోయిన్ కు నటించే అవకాశం ఉన్న సినిమాలు వేళ్ళ మీద లెక్కపెట్టోచ్చు.. ఇలాంటి సమయం లో హీరోయిన్ల మధ్య పోటీ గురించి మాట్లాడటం అంటే కొంచెం అతిశయోక్తే..   సౌందర్య తర్వాత తెలుగు పరిశ్రమలో నటించగల హీరోయిన్లు రాలేదన్నది మింగుడు పడని చేదు నిజం.. కానీ మొన్న మిష్టర్ పర్ఫెక్ట్ సినిమా లో కాజల్ నటన చూశాక మళ్ళీ నటించగల హీరోయిన్ అన్న ధైర్యం కలిగింది.. అదే సినిమాలో తాప్సీ ఉన్నా కాజల్ ముందు సెకండ్ హీరోయిన్ కంటే అధ్వానంగా కనిపించింది.. ఇక ఈ టపా రాస్తున్న  ముఖ్య ఉద్దేశ్యమేమంటే ఈ వారం విడుదల అవబోయే “వీర” సినిమాలో కాజల్ పాత్ర ఆకట్టుకుంటుందా లేక తాప్సీ ఆకట్టుకుంటుందా?? అనే ప్రశ్నకు సమాధానం వెతకడం..  ఒక వైపు కాజల్ అందం తో పాటూ నటనలో కూడా మంచి మార్కులు కొట్టేస్తుంటే మరో వైపు తాప్సీ సొంతంగా డబ్బింగ్ చెప్పుకుంటూ తన తెలుగు కెరీర్ గ్రాఫ్ ని పైకి తీసుకువెళ్ళడానికి ప్రయత్నిస్తోంది.. కనుక ఈ సమయం లో వస్తున్న వీర లో కాజల్, తాప్సీలలో ఎవరికి ఎక్కువ మార్కులు పడతాయంటారు??

నాకు తెలిసినంతవరకూ ఈ ఏడాది తాప్సీ, కాజల్ లలో ఎవరికి ఎక్కువ హిట్లు వస్తాయో వాళ్ళు తెలుగు పరిశ్రమ లో ఎక్కువ  కాలం నెం. 1 హీరోయిన్ గా నిలబడే అవకాశం ఉంది.. ఎందుకంటే, మరో ముఖ్య పోటీదారు ఇలియానా కెరీర్ ప్రస్తుతం అనేక వివాదాల్లో ఇరుక్కుని ప్రస్నార్థకంగా ఉంది.. మరో వైపు జెనీలియా హిందీ పరిశ్రమ పై ఎక్కువ ఆసాక్తి గా ఉన్నట్టు తెలుస్తోంది.. ఇంక మిగిలిన హీరోయిన్లందరూ 2,3 సినిమాలకంటే ఎక్కువ సినిమాలో నటించే పరిస్థితి కనిపించడం లేదు..

రేపటి వరకూ వచ్చే అభిప్రాయాలు తీసుకుని ఈ టపా అప్డేట్ చేస్తా.. కనుక మీ అందరు ఈ విషయం పై మీ అభిప్రాయాలు తెలపమని మనవి..